Posted on: الثلاثاء 31 مارس, 2020

كجزء من مسئوليتنا المجتمعية تجاه اللي بيحصل في العالم دلوقتي، قررنا يكون لينا دور إيجابي في نشر الوعي في مواضيع مختلفة مهمة لناس كتير مننا. علشان كده قررنا نخصص جزء من تواجدنا اونلاين لتقديم “المنصة”.

المنصة هي مساحة مخصصة على صفحتنا هدفها توصيلكم بمحتوى مفيد من متحدثين في مختلف المجالات من راحة بيتكم.

أول حاجة هنبدأ بيها هي اكتر حاجة قريبة لينا و هي ريادة الاعمال، واللي هيكلمنا عنها عمرو السلوكي!

عمرو السلوكي هو واحد من أنشط رواد الأعمال الشباب في مصر وله سجل حافل في مجال التعليم و التدريب و تطوير الأعمال و أطلق العديد من الشركات زي Campusو The Trainer  ولعب دور مهم في إطلاق أكاديمية نون في مصر وهي من أكبر EdTech Scaleups  في منطقة الشرق الأوسط وشمال إفريقيا و حقق أرقام سباقة في أول سنة.

وفاز ببرنامج Injaz 2016 للشركات الناشئة واللي قدمله Seedfund وMentorship من الرئيس التنفيذي لشركة نهضة مصر “داليا إبراهيم” ودوليين. وفي نفس السنة، ظهر عمرو سلوكي في Startupscene كواحد من أكثر رواد الأعمال المؤثرين في مصر تحت سن 25

غير كل ده، هو كمان مدرب معتمد من HRCI و ICF وسجل 3500 ساعة تدريبية في مجالات ريادة الأعمال و“Train The Trainer”، ودرّب في أكثر من 15 جامعة في أنحاء مصر، وكان mentored في Silicon Valley – داخل المقر الرئيسي لعمالقة التكنولوجيا زي شركة Google و Apple و Uber و Twitter – لمدة أسبوعين كجزء من Exchange Program for Entrepreneurs، غير إن ليه خبرة 3 سنين كمدير مبيعات في Mars.

استنونا انهارده الساعة 8 في أول حلقات المنصة عن “أساسيات ريادة الأعمال” مع عمرو السلوكي وشاركونا بموضوعات تانية حابين تستفيدوا منها.